Naweek 68

Gereelde lesers sou sien ek het paar naweke gemis. Ons leef darem nog.

Die paar naweke wat verbygesluip het was maar redelik vervelig uit 'n toeskouers-oogpunt maar vir ons was dit nie so vrot nie. Ons het darem so bietjie opgewondenheid ook gehad...

Elmarie het haar tweede Oz-verjaarsdag gehad (sy't 4 geword) en ons het lekker partytjie gehou. Dankie vir almal wat kaartjies en pakkies gestuur het, en vir almal wat ge-Skype het.

Ons voel ook nou die winter aan ons lywe en ek was hierdie laaste naweek platgetrek met een of ander gogga en was vandag in geen toestand om te gaan werk nie en het my eerste siekverlof dag in Oz gehad. Ek voel darem op die oomblik heel goed (mag dalk net die pille wees wat praat) so more sal ek seker terug wees op die job.

Ek het so paar rowwe naweke wat voorle met die werk - ons laai data vir "User Acceptance Testing" van die nuwe stelsel, so hou duime vas dat dit sal goed gaan! Hierdie week is die finale voorbereiding vir die groot "event".

Komende Vrydag is 'n mylpaal oppad - dan is ek amptelik 1 jaar lank in diens van 'n Ozzie werkgewer. Die tyd vlieg!

Naweek 65

Ons het hierdie naweek vir Disney on Ice gaan kyk by die Rod Laver arena. Met die trein ingery (hy stop langs die arena), ongelooflike duur eetgoed gekoop (seker vier keer die prys wat dit kos by die groot winkels) en lekker gekyk hoe skaats al die Disney karakters op die ys rond. Dis eintlik vir die kinders maar ek dink Marlize het dit die meeste van almal geniet! En daar was hordes klein dogtertjies wat uitgevat was vir die geleentheid, omtrent elkeen aangetrek soos hulle gunsteling Disney prinses. Verder het hulle die ouers se sakke nog meer geskud met "photo booths" en "official merchandise" en "make-up stands". Maar na die eetgoed was my sakke klaar plat so hulle kon my nie tweekeer vang nie.

Hier is ons op die trappe net buite die ingang voor die vertoning begin het:


Ons het so paar fotos binne ook geneem maar ek wil dit nie hier opsit nie. Hulle het gese mens mag fotos daarbinne neem "for personal memories" maar mens mag dit nerens post op 'n website of gebruik vir advertensie en inkomste-genererende doeleindes nie.

In Oz is daar elke jaar twee groot uitverkopings - "End of financial year sale" (middel van die jaar) en "End of year sale" (ja, einde van die jaar). Met die groot toy sales wat nou aan is het ek en Marlize vir ons ook scooters gekoop. Die kinders het dit net so baie soos ons geniet om almal saam op die skoolgronde te gaan ry met die scooters. Dit gee mens nogal 'n lekker "work-out", veral so by die boud spiere rond. Ons gaan seker more lekker seer wees maar dit was nou groot pret vandag.


Ons het nog nie die valhelms gehad nie maar ons het gelukkig nie geval nie. Marlize het in die week die scooters gekoop die oggend wat die uitverkoping begin het maar sy wou nie valhelms koop nie want sy't nie geweet hoe groot is my kop nie... Die het ons vandag gekoop terwyl ons by die mall was om Ice Age 3 in 3D te gaan kyk (dit was cool), so volgende keer kan ons ook, soos ons vir die kinders leer, ons valhelms dra wanneer ons scooter ry.

Naweek 64

Ons wou hierdie naweek die kinders weer na die ScienceWorks museum toe vat want een van die hoof uitstallings wat hulle op die oomblik aan het is oor Star Wars. Ons ry toe al die pad tot daar met jelly babies en pienk melk vir padkos. Maar die wind was bietjie uit ons seile toe ons daar aankom want die mense het toue gestaan om in te kom. Hulle het tot spesiaal afdakkies opgerig sodat die mense nie in die son (of reen!) moet staan en wag om in te kom nie. Dit het gelyk of hulle wag dat mense eers weer uitkom voor hulle nog laat ingaan. Dis duidelik 'n baie gewilde item. Ons besluit toe maar om op 'n ander naweek te probeer en nie op een van die naweke in die skool vakansie nie.

Nadat ons daar weg is besluit ons toe maar om die kinders Kids Space toe te vat. Dis soos Wacky Warehouse in Suid Afrika en die kinders sal die hele dag daar speel as mens hulle nie daar uitsleep nie. Maar dis lekker vir ons ook want dan kan ons rustig sit en gesels sonder om al die tyd onderbreek te raak.

Die skole het Vrydag gesluit vir twee weke vakansie. Nou is Hannes natuurlik baie slim - hy hoef nie op te staan vir skool nie so hy hoef nie vroeg te gaan slaap nie... en kan hy uithou! Ek en Marlize kap al om dan speel hy nog te lekker. Hy laat ons voel of ons oud word. Gelukkig kap Elmarie nog teen 'n billike tyd om in die aand, maar dan word sy vroeg wakker ook nadat ons laat met Hannes wakker was. Eish, maar ek dink hierdie vakansie gaan nog lank raak!

Naweek 63

Nie veel fun stuff hierdie naweek nie. Ons is besig om data te laai so ek was omtrent elke uur voor die rekenaar om te sien of my goed nog vorder of nie sodat ek iets daraan kan doen indien nodig.

Gister was ek en die kinders weer bietjie driving range toe om te gaan golfballe slaan. Hulle geniet dit amper meer as ek, so dis lekker om hulle saam te vat want nou kan ek gaan doen wat vir my lekker is en iets lekkers saam met die kinders doen op dieselfde tyd. Dis nou lekker warm roosterbrood met botter en konfyt aan altwee kante... ;-)

Marlize het vir die kinders vlieers gekoop en hulle het vandag op die skool se sportveld bietjie gaan vlieers vlieg. Toe hulle by die huis weg is het die wind liggies gewaai, maar toe hulle by die skool aankom was dit windstil, so toe hardloop hulle eers bietjie met die vlieers agter hulle aan tot hulle moeg is. Later was daar darem so bietjie van 'n windjie wat gewaai het en toe kon hulle net stilstaan terwyl die vlieers vlieg en hulle het dit baie geniet.

Naweek 62

Nie veel om te rapporteer uit 'n toeriste-oogpunt nie... behalwe hierdie...

Verlede week het ek hierdie foto (Maandag 8-Jun-2009 geneem) op die blog gehad oor die Island Archway by Loch Ard Gorge:


Ek het nie hierdie een op die blog gesit nie, maar ek het Marlize en die kinders ook by hom afgeneem:


In Donderdag se koerant is hierdie foto (click op die foto vir 'n groter weergawe):


Dit was nogal 'n eienaardige gevoel om te lees van die plek waar ons Maandag nog fotos van geneem het wat Woensdag oggend vir ewig iets van die verlede is. Lees meer oor die ineenstorting van die Island Archway op die Herald Sun.

Hierdie naweek het ek darem weer bietjie die golfstokke afgestof, al was dit net om te gaan balle slaan by die naaste driving range. En Hannes het sy nuwe stokke wat hy vir sy verjaarsdag gekry het ook vir die eerste keer gaan gebruik. En Elmarie het Hannes se ou stok gekry en sy het hom ook vir die eerste keer gaan gebruik. Ek dink sy het dit die meeste van ons almal geniet!

Vandag voel ek bietjie siekerig, ek hoop nie dis vark griep nie.

Naweek 61

Dit was langnaweek wat dit was die Queen se verjaarsdag in Victoria.

Ons was bietjie Warrnambool toe gewees met die hoop dat die walvisse al begin inkom het want jaarliks tussen Junie en September kom die "Southern Right Wales" om in die baai te kom kalf, dan is hulle baie naby en mens kan hulle blykbaar mooi sien.

Daar was nog niks walvisse nie. En dit het verskriklik baie gereen. Gelukkig het ons Sondag oggend en Maandag oggend so bietjie droee weer gehad, al het die son nie eintlik deur die wolke gebreek nie.

Saterdag het ons maar net die "self-guided tour" gery deur die dorp met 'n kaart in die hand want ons het in die reen daar aangekom en kon nie veel toeriste-goed doen nie. Ons het op die ou end fliek kaartjies gekoop vir Night at the Museum 2 en 'n verskriklike lang aandete by 'n pizza plek geeet. Dit het nie meer gereen toe ons die aand uit die fliek gekom het nie, maar dit was bitter koud. Oppad terug slaapplek toe het ons een van die kerke afgeneem wat mooi verlig is in die aand:


Sondag oggend het ons die beste gemaak van die bietjie droe weer. Die hoof toeriste-aantreklikheid in Warrnambool is Flagstaff Hill - dit is 'n klein dorpie wat gebou is om it te beeld hoe die dorp min of meer gelyk het rondom 1859. Hulle maak dit vir kinders ook baie interessant deur middel van 'n skattejag tipe opset - hulle kry paspoort boekies met leidrade in en dan moet hulle by die regte plekke (van die geboutjies in die dorpie) 'n stempel in hulle boekies kry. Hier is van die fotos wat ons van Flagstaff Hill geneem het:





Hierdie is die "flagstaff" wat steeds in gebruik is, saam met die ligtorings wat ook deel van die opset is:


Hierdie 3 geboue (die ligtoring, "lighthouse keeper's cottage" en die "chart room") was oorspronklik in 1858 op een van die eilandjies net in die see in gebou, maar dit is in 1872 verskuif (letterlik, afgebreek en presies dieselfde oorgebou) waar dit nou staan, op 'n koppie nie ver van die see af nie maar op die vasteland:


In die aand is daar 'n laser show wat handel oor een van die bekendste "shipwreks" van die omgewing, die Loch Ard, en daar was net 2 oorlewendes. Ons het die "lantern walk" gedoen - nogal lekker, met 'n lantern saam die toergids af van bo in die dorp tot onder waar die hoogtepunt die laser show is, en dan weer terug tot bo terwyl sy die storie se finale drade vasknoop.

Hier is meer inligting oor Flagstaff Hill. En vir die wat 'n goeie internet konneksie het, hier is 'n live webcam ook.

Sondag oggend het ons die pad terug gevat en vir 'n tweede keer probeer om by die Twelve Apostles uit te kom (laas keer het ons mos na donker eers daar aangekom). Natuurlik eers nog een van Warrnambool se monumente afgeneem (ons weet nie eintlik wat dit is nie want dit het gereen en ons was al moeg vir nat word):


Op pad terug Melbourne toe is daar eers ander plekke oor waar mens moet stop, en hier is paar fotos daarvan...

Vir die Yanks het hulle hierdie bordjies met gereelde intervalle langs die Great Ocean Road opgesit:


London Bridge (volg die link en lees meer - in 1990 het die middelste deel inmekaar gestort en voor dit kon mens oorstap tot op die punt):


Om die hoogte van die krans in perspektief te sit is hier nog 'n foto van een van die platforms af (net vasteland toe geneem) - heel regs bo is die platform vanwaar ek die London Bridge afgeneem het, met paar mense wat daar staan. Click op die foto om 'n groter weergawe te sien, dan kan mens 'n beter idee kry:


Hierdie is geneem in die omgewing waar die Loch Ard gesink het - ons kon nie die roete klaarmaak nie want die groot reen het ons gevang...



Ons ry toe maar verder huistoe en nader aan die twaalf apostels. Hierdie keer wou dit ook nie uitwerk nie. Toe ons daar aankom was ons in die kwaai reen. Ons het amper 'n uur gewag om te sien of dit nie wil oorgaan nie, maar toe dit lyk of die weer nie gaan verander nie het ons besluit ons moet maar kyk of "third time lucky" gaan werk vir ons en die apostels... Kyk net hoe nat was dit daar, die bossies kreun soos die wind hulle waai. Van hierdie punt af is dit 'n entjie se stap om by die uitkyk punt te kom en die mense wat dit gewaag het, het almal sopnat terug gekom en baie bek-af gelyk daaroor.


Al was dit baie nat en koud was dit steeds baie lekker. Maar ons sal weer daardie kant toe moet ry...

Naweek 60

Stil week. Winter week. Koud. Nat.

Die weervoorspelling vir die naweek was sonnig. Tot Saterdag opgedaag het en ons omtrent 10 minute son gesien het in die oggend. Vandag miskien so 15 minute. Die res van die tyd was dit net digte mis of bewolk. Dit help gelukkig vir lekker laat slaap ;-)

Gister moes ek weer tyn-ingenieur speel. Ek moes sakke vol bossies uittrek, ek weet nie waar die goed alles so skielik vandaan kom nie, dis net 'n pyn in die agterent. Letterlik. Vandag is ek seer daarvan. Die gras was klam want dit het Vrydag deur die dag en Vrydag nag gereen so ek kon nie eers van tyd tot tyd bietjie plat sit nie want dan't ek nog 'n nat broek ook. In die voorste stukkie gras (omtrent 2x6m) het ek presies 115 bossies uitgehaal - ek weet want Elmarie het my "gehelp" en sy wou he ek moes elkeen tel wat ons uithaal. Agter is 'n groter stuk gras en meer bossies. Daar het sy nie meer gehelp nie so ek het nie getel nie. Ek is seker verlede naweek was daar niks nie. En daarna het ek nog die gras gesny ook. Gelukkig het dit gouer gegaan as gewoonlik want die gras het nie so baie gegroei nie - dis darem nou al so te se winter.

Die aand was te koud om ons voete uit die huis uit te sit so ons het voor die TV geplak.

Die Super 14 finaal was tussen 1:30 en 3:30 in die oggend hier by ons, so ek het dit maar opgeneem en vanoggend gekyk. Eintlik erg om te dink dis die enigste Super 14 wedstryd wat ek hierdie jaar gesien het. Gelukkig het die Bulle goed gewen!

Vandag het ons bietjie gaan uiteet saam Andre-hulle. Die kinders kon nie wag om weer saam die maatjies te speel nie. Dit was by 'n lekker plek - Elwood Beach House Cafe. Hulle het 'n lekker groot speel area vir die kinders wat omhein is, en mens gaan by 'n sy-deur van die plek uit om daar te kom so mens voel rustig as die kinders buite is. Die kinders het almal baie lekker gespeel en darem so bietjie van hulle kos ook geeet. En ons grootmense het ook lekker gekuier. Daarna het ons net brood en melk gekoop en reguit terug huistoe gekom uit die koue uit. Die res van die dag het ons sommer net bietjie saam die kinders gespeel. Met LEGO.

Volgende naweek is lang naweek hier so ek skryf eers weer Maandag aand. Of Dinsdag...

Naweek 59

Hierdie naweek was ons Healesville Sanctuary toe met die kinders. Dit is een van Melbourne se 3 groot dieretuine. Healesville is eintlik meer as 'n uur se ry van ons af, in 'n dorpie oos van Melbourne - ja, Healesville.



Ons het vir die eerste keer gehoor watter klank 'n Emu maak - dis 'n baie diep grom wat mens nogal ver kan hoor, al is dit nie baie hard nie.

Ons het twee geveerde vertonings gesien - Cockatoos & parrots en Birds of prey. Tydens die Cockatoos & parrots wys hulle die verskil tussen 'n Cockatoo en 'n Parrot. Vir die wat nie weet nie, 'n Cocketoo het 'n groot kuif en 'n Parrot het nie, verder lyk hulle baie dieselfde. Hulle het sommige van die mees algemene spesies wat in Oz voorkom gewys. Tydens Birds of Prey het hulle twee soorte valke, twee soorte arende en 'n uil gewys en feite oor die voels gegee. Wat die vertonings baie lekker gemaak het is dat die voels ook vry gevlieg het oor die mense se koppe ook so mens kon hulle in aksie sien. Dit was net baie moeilik om goeie aksie fotos van hulle te kry, maar hier is ons by die arena se buitekant ;-)


Na die vertoning van die Birds of Prey het 'n ou vir ons op die Didgeridoo geblaas en gedemonstreer hoe om 'n boomerang te gebruik. Toe het hy boomerangs verkoop - die soort wat werk, nie die souvenir soort nie.

In die Koala area het ons 'n mooi foto van 'n koala gekry wat rustig in die boom sit en rus. Ek dink nie mens sal sommer 'n beter foto as hierdie kry nie.

Ons het ook vir die eerste keer gehoor watter klank 'n Koala mannetjie maak - dit voel of jou oe of jou ore jou bedrieg want jy sien die klein Koala beertjie maar dit klink soos 'n massiewe vark - selfs so hard ook.

En ons het nog rooi kangeroos gesien...


En 'n "rock-wallaby". Dit is 'n beskermde spesie en daar is blykbaar minder as 1,000 van hulle oor. Hulle is nogal klein, bietjie groter as 'n haas.


Elmarie het ook bietjie "face to face" gekom met 'n Wallaby (hulle is 'n kleiner spesie Kangaroo) en dit was baie lekker vir haar:


Nog 'n Ozzie diertjie is die Wombat:


Laastens het ons ook by die Fruit Bats 'n draai gaan maak want Hannes wou sien hoe groot hulle is. Ons was in hulle hok maar kon nie lekker fotos kry nie. Die goed is nogal lelik.

Oppad na die vlermuise toe het ons verby die Dingos gestap. 'n Dingo is 'n wilde hond wat nie blaf nie maar soos 'n wolf huil. Hierdie foto het ek deur die draad geneem want een het lekker naby gestaan:


Dit was 'n lekker heel-dag uitstappie.

Naweek 58

Die week en naweek wat verby is, was lekker stil.

Saterdag was ons nerens heen nie, maar die middag het een van Hannes se skool maatjies (Sam) kom kuier.

Sondag was bietjie besiger - Hannes en Elmarie het by een van Hannes se maatjies (Flynn) gaan kuier in die oggend en toe het ek gery om vir Elmarie haar verjaarsdag persent te gaan koop terwyl sy nie by is nie. Dis eers in Julie maar die item was op special, 25% af. Die middag het ons by nog ander maatjies gaan kuier (Luke en Ashleigh, 'n tweeling) en die aand was ons na die Afrikaanse kerk diens toe (wat eenkeer per maand aangebied word), 'n dagreis te perd ver.

Die naweek wat kom se weer lyk lekker so behalwe vir grassny wat al nodig raak kan ons dalk ietsie lekkers inwerk.

Ons het ook nou plek bespreek vir die langnaweek in Junie (8 Junie is "Queen's Birthday") by 'n plek in Warnnambool sodat ons kan gaan walvisse kyk. Dis blykbaar so 300km wes van Melbourne, seker dan so 350km van ons af. Na 8 Junie is daar nog net 1 vakansiedag, Melbourne Cup Day, maar as die projek se planne reg loop is dit go-live week so dan sal ons seker werk. En dan is Kersfees die volgende vakansiedag.

Naweek 57

Gelukkige Moedersdag aan al die Moeders!

Die kinders het hierdie week Vrydag geleentheid gehad om vir hulle mammas ietsie te koop by die skool vir Moedersdag. Na skool het amper al die kinders hulle persentjies probeer wegsteek vir die mammas sodat hulle eers Sondag kan sien wat dit is, maar Hannes kon nie wag om vir sy mamma te wys wat hy vir haar gekoop het nie...


Hy vertel vir haar dit maak oulike liggies en dis nogal van plastiek! Hier is die light-up-bowl in die aand met al die "romantic lights" wat hy maak:





Hannes was verskriklik in sy noppies met die persentjie wat hy vir Moedersdag vir sy mamma gekoop het.

Die kinders het ook by die skool vir die mammas allerhande oulike goed gemaak vir Moedersdag... Happy Mother's Day:


I love you mum - dis wat hy op die rekenaar gemaak het by die skool, en dis sy mamma wat koek bak, die swart deel is die tafel (graniet blad):


En 'n voucher vir hulp met huiswerk op Moedersdag maar dit het nie gebeur nie so Marlize sal hom maar bere vir volgende jaar...


Saterdag aand het ons die kinders vir die eerste keer gevat vir "adventure golf" en wat 'n avontuur was dit nie vir hulle nie! Hulle het die gaatjies waar die balletjie wegraak en op 'n ander plek weer uitkom die meeste geniet. Die baan is op 2 verdiepings. By sommige gaatjies trek die balletjie bo-oor mens se kop tot by die volgende plek en dan moet jy trappe op om die gaatjie klaar te maak, en by ander loop hy in spoortjies af dan moet jy trappe af om die gaatjie klaar te maak. Daar is ook 'n waterwiel in die baan, dan slaan jy die balletjie een kant op, dan rol hy oor en rol anderkant in 'n paadjie af tot by die gaatjie. Dit was nou vet pret, veral omdat daar niemand anders was nie (koud... die baan is darem onder dak) so die kinders kon lekker speel op hulle tyd.

Eers het ons bietjie gesukkel:




Hier wag hulle op die boonste vlak vir die balletjie (oranje) om in die voortjie af te kom van waar hy van die onderste vlak af kom:


Die waterwiel (geel balletjie):


Ons het darem die balletjie in die gaatjies gekry ook:





Marlize het ook vandag 'n persentjie vir Moedersdag gekry (wat nie van die skool af kom nie) en in haar kaartjie het sy 'n "badge" gekry vir "Best Mum Ever" waarop sy ook nogal baie trots was!


Vandag het ons weer die skaapskenkel potjie gemaak. Andre en Annelie en kinders, en Floris en Marie het by ons kom eet vandag en ons het lekker gekuier en lekker geeet.

Naweek 56

Die laaste rukkie van Mooey se kuier by ons het hy orals in die huis agter die kinders aangeloop. Tot waar die kinders by die rekenaar sit en speel het, het hy by hulle gesit... Hier sit Elmarie en speel "connect the dots" en Hannes help en Mooey sit en kyk.


In die week het Marlize vir Elmarie afgeneem waar sy vir Barbie in die kar laat rondry het... Hannes se draadkar. En al Barbie se pelle het saamgery. Hoe is daai vir 'n plan :-)


Elmarie het ook 'n "nuwe" fiets gekry. Die een wat ons vir haar in SA gekoop het net voor ons gevlieg het is nog 'n bietjie groot, en een van die maatjies wat net in die straat af bly (sy is in Hannes se klas maar Elmarie speel lekker saam met haar) het 'n nuwe fiets gekry toe bring hulle haar oue vir Elmarie want hy's 'n beter grootte vir Elmarie, haar beentjies kom makliker by. Elmarie is baie in haar skik met haar nuwe fiets. Dankie Danielle!


In die week het Hannes by die skool 'n "family portrait" gemaak, en hulle kon dit huistoe vat. Die kinders het self geteken, ingekleur, geknip, geplak en hulle name geskryf. Hannes het ook sy tweede naamkaart (wit) vol plakkers huistoe gebring (baie in sy skik) - een van die maniere waarop hulle goeie gedrag by die skool aanmoedig is met plakkers op die kinders se naamkaarte so hy was baie trots op sy tweede een wat al vol plakkers is.

Van links na regs is Hannes (in sy skoolklere), Pappa, Mamma, Elmarie (bokstertjies en al!). 

Hierdie week was ook die tweede week van die "Road Safety Programme" en die bokskarre wat hulle in die eerste kwartaal gebruik het om resies te jaag moes reggemaak word vir die padveiligheid program. Natuurlik was daar so paar modifikasies versoek, soos 'n Ferrari teken voor op, 'n nommerplaat (want hy't mos intussen 6 geword), en laaste maar nie die minste nie, veiligheids gordels! Al die modifikasies aan die kar (nuwe rooi wiele, 'n nommer 10 en weerligstraal, uitlaatpyp en agterste rooi brieklig) was Hannes se idees. Hy was so opgewonde oor die eindresultaat dat hy sommer vir Marlize gevra het om die kar af te neem ook!



Na baie gesoek na 'n geskikte oplossing vir 'n staander vir die driepootpot (want die gasbottels hier is anders as in SA) het ons hierdie naweek die eerste keer alles gehad wat nodig is om weer 'n potjie te maak. Behalwe vir die baie klein gasbottels (wat te klein is om stabiel te staan) sit almal se uitlate aan die kante so mens kan nie die goed wat ons van SA af gebring het bo indraai soos ons altyd het nie maar ek het uiteindelik iets gekry wat werk - eintlik bedoel vir 'n platbodem pot (ek het nog nie 'n driepootpot hier te koop gesien nie... kan net dink hoekom) maar die potjie staan lekker op hom.


Kyk net so 'n lekker skaapskenkel potjie!

Komplimente aan my Pa vir die wenresep - elke keer 'n treffer.