Hierdie lang naweek was 'n baie welkom 2 ekstra dae weg van die werk af. Behalwe vir Saterdag se "day trip" op die "
Great Ocean Road" en Maandag se rondloop in die mall was ons net rustig by die huis.
Ons het bietjie laat wakker geskrik en besluit ons wil die Great Ocean Road trippie doen, en toe kon ons nerens oorslaap plek kry nie, maar gaan toe op wat al die brosjures van die "tour operators" verkondig dat mens die oggend 8vm uit Melbourne vertrek en die aand 8nm terug is, en reken toe dan is 'n dag mos genoeg. Natuurlik het ons toe bietjie lank by al die plekke gestop en uiteindelik nie die goed gesien wat eintlik die hoogtepunt van die trip moes wees nie - die
12 Apostels. Nou sal ons maar weer moet gaan...
Dit was nietemin baie lekker en hier is van die fotos wat ons deur die dag geneem het...
Die eerste stop was by Split Point Lighthouse:
Die Great Ocean Road se "hek" en gedenkteken:
Eskrine Falls waterval (dis baie droog op die oomblik, die waterval het min water...)
By Teddy's Lookout:
By Koala Cove in Kennet River waar mens die koalas in die natuur kan bekyk. Hulle is baie volop in die bome net agter die kafee, daar is 'n paadjie in en as jy mooi kyk sien jy hulle amper orals, en een was in die parkeer area net langs die kafee:
As mens parkeer so entjie in die pad in en uitklim is dit doodstil, mens hoor niks behalwe paar voeltjies en jouself nie, en plek-plek is daar varing takke wat so groot is dat hulle die kar se voorruit heeltemal kan toemaak.
Met die dat ons so lank vertoef het by al die stop plekke en nie kon slaapplek kry nie het ons aandete geeet by Port Campbell (waar die 12 Apostels is). Dit was al 7.30nm en ons het toe sommer vis en chips langs die see gesit en eet (lekker!). Daarna het ons die grootpad (dus nie weer die "scenic route nie") huistoe gevat. Net na middernag by die huis gekom. Meer as 600km vir die dag gedoen...
Volgende keer sal ons verder vooruit beplan, oorslaap plek reel en seker maak ons kom by die 12 Apostels ook uit.
Posts
