Naweek 12

Die week het afgeskop met die mediese toetse vir die langermyn visa. Health Services Australia (HSA) Melbourne is baie georganiseerd. Met die hoeveelheid mense reeds aan die wag toe ons 10:40 opdaag het ons gedink ons gaan die hele dag daar wees, maar ons was toe aangenaam verras. Eers in die ry om papierwerk af te handel - dit het vinnig gegaan, en die personeel is vriendelik met almal. Volgende val jy in die wag-ry tot die susters jou naam roep vir die algemene ondersoeke. Dan is jy in 'n tweede wagkamer tot die dokter sy ondersoek moet doen. Dis nie 'n lang wag nie. Laaste is die X-strale, en dit was ook vinnig oor. Paar honder dollar later en jy's daar uit. Hulle stuur die resultate self na immigrasie toe aan.

Maandag middag is ons na nog 'n nuwe parkie toe met die kinders tot omtrent 4-uur die middag. Ons het lekker op al die goed geklouter en bal geskop. Toe begin dit lyk na reen en toe gaan ons huistoe. Hier's fotos van die speel area in die parkie:





Dinsdag was Marlize met die kinders by die St Kilda botaniese tuine. Dis maar winter so dis nie so vreeslik mooi nie maar dit lyk of dit in die somer nogal baie mooi kan wees. Daar is natuurlik ook 'n bietjie van 'n speelpark in anders sou hulle seker nie daar gewees het nie...






Donderdag was hulle by die Shrine of Remembrance en die Royal Botanical Gardens wat net langs die monument is.
Hier is die kinders by die vlam wat nooit ophou brand nie:


In die botaniese tuine is daar ook 'n tuin vir kinders:



Hier in die tuin vir kinders het hulle baie lank vertoef. Die hele kinder-tuin is uitgele en gebou vir kinders, en alles is die regte grootte vir kinders: bruggies, stroompies, tonnels, paadtjies. Pappas en Mammas wat saam loop moet maar buk en mooi loop.





Vrydag was hulle weer raai waar...


Soos julle kan sien is daar nie eintlik golwe nie want Melbourne sit langs 'n groot baai (Port Phillip). Redelik vervelig vir meeste mense maar die strand is lekker groot en plat - natuurlik vol mense wat wil son vang op die naweek maar in die week het die kinders dit alles vir hulleself.

En net langs die strand is daar nog 'n speelpark... St Kilda Triangle:


En nog 'n parkie... Catani Gardens:


Hierdie ding draai in die rondte van die voetstuk af (waarop Elmarie sit in die foto). Mens hoef hom net eenkeer te maak dan gebruik hy jou liggaamsgewig om aan en aan en aan en aan en aan te hou draai - vet pret vir die kinders!


En op dieselfde dag was daar NOG 'n parkie... Albert Part Community Playgroud:



En hier is 'n foto van die kuipe (pit lane) soos wat dit gebruik word tydens die Australian Grand Prix (hierdie jaar in Maart maand) by Albert Park:


Saterdag was die groot dag. Vandat hulle in Melbourne gekom het, het die kinders al slapies getel na die dag wanneer Kung Fu Panda begin wys by die flieks want die hulle het die voorskou op die tv gesien en die advertensies orals in die stad en op die trems - ja, hier is selfs een trem wat heeltemal versier is met Kung Fu Panda advertensies. Na nog van daai $4.50 (oftewel amper R36) per stuk pizza was dit fliek tyd...



Vandag het ons nie veel gedoen nie. Dit was darem lekker kwaliteit tyd saam as gesin. Marlize en Elmarie (gatherers) was bietjie by die St Kilda Esplanade Sunday Market (vlooimark) en ek en Hannes (hunters) was in die tv met Rugby Leage en ons het ge-cheer vir Melbourne se span. Gelukkig was Marlize se beursie leeg voor hulle vlooimark toe was so sy het net "window shopping" gedoen, anders was hy leeg toe hulle terug gekom het!

Naweek 11

Dis nou die tweede week wat die familie in Oz is - hulle het al hope speelparke ontdek en is lankal gemaklik met die publieke transport hier in Melbourne. Meeste van hierdie week se blog is oor goed wat hulle gedoen het!

Raai waar was hulle alweer Maandag... strand toe!


Na 'n lekker lang speel-sessie op die strand wat hulle vir hulleself gehad het want al die ander mense was of by die werk of in die skool, het hulle op nog 'n speelpark afgekom. Dis basies een groot skip met allerhande klouterplek in, en so paar losstaande goedtjies rondom:


Een van die losstaande goedjies - hierdie wipplank wat grooooot pret!


Dinsdag was die eerste medisyne gekoop... Elmarie se neus het soos 'n kraan begin loop, seker van die vorige naweek se Big Wheel ry in die reen. Oorkant die apteek is 'n troeteldier winkel. Die kinders het vasgehaak by 'n tenk met Jumbo Comets ($77 per vis). Daar was ook 'n Nemo en 'n Dori (soos in die animasie fliek Nemo) in die plekkie maar jammer vir julle, daar's nie 'n foto van hulle nie:


Woensdag was Marlize met die kinders Melbourne Museum toe. Langs die museum is nog 'n lekker speelpark vir kinders. Hulle het die hele oggend daar spandeer voor hulle eers in die museum in is. Dit lyk volgens al die fotos wat Marlize geneem het na 'n baie oulike speelpark, met twee dele: een vir groter kinders, en een vir kleintjies. Die twee is amper replikas, maar die dimensies van alles verskil net. Hier's so paar fotos:



Hierdie paadjie in die speelpark het klomp knoppies wat elkeen 'n ander geluid maak as mens daarop trap - vet pret vir die kinders:


Binne die museum is daar ook 'n kinder afdeling. Die kinders het dit baie geniet want meeste goed is redelik interaktief - bv. hier waar mens knoppies kan druk, dan skyn 'n lig op een van die diere en die klank wat die spesifieke dier maak kom oor die luidsprekers:


Sommer nog fotos van goed binne die museum waarvan die kinders baie gehou het:




Vrydag was hulle weer Albert Park toe. Op nog 'n klimraam afgekom:


En klomp eende en ganse. Hannes wou nie sy piesang met die ganse deel nie:


Hulle het toe maar bestel dat ons op die naweek weer moet dam toe gaan sodat ons vir die ganse brood kan gee.

Saterdag oggend was ons "gou" winkels toe. Trein noord gevat tot by 'n stasie waar ons oorgeklim het om op 'n ander lyn suid te ry. By 'n volgende vurk in die lyn afgeklim om nog 'n trein te vat om te kom waar ons wil wees. 'n Uur later klim ons toe af naby Chadstone shopping mall. Die mall is geopen in 1960 en was die eerste "freestanding regional shopping centre" in Melbourne. Hier rond is nie veel sulke tipe malls nie, meestal is dit lang strate vol klein winkeltjies. Maar binne Chadstone is 'n Toys'R'Us, Kmart en Target, en ons het speelgoed gesoek. Sien, Elmarie se pop het mos in die kar agtergebly op Johannesburg lughawe... So ons het die "mid-year sale" waardeer en "goedkoop" speelgoed gaan soek. By die Toys'R'Us het ons nie reggekom nie, maar wel by die Kmart. Toe's die kinders al moeg en ons is al moeg om hulle te dra ook, toe los ons maar die Target en gaan liewer weer huistoe. In totaal was dit 'n 4-uur lange "gou" winkel toe, travel tyd ingesluit.

Terug by die hotel het ons net alles neergesit, gesigte gewas en weer die volgende trein gehaal, want ons het 'n afspraak gehad vir 'n kuier by Andre en Annelie Broekman. Die kinders het baie uitgesien daarna want ek het vir hulle vertel daar's drie maatjies wat omtrent dieselfde ouderdomme as hulle is. Gelukkig daarvoor, want elke keer as hulle skielik te moeg geword het deur die oggend se "gou" winkel toe, het ons dit gebruik vir aansporing, dan't hulle sommer weer nuwe wip in hulle stappe gekry.

Die kuier was toe baie lekker, en die kinders het hulle gate uit geniet. Elmarie het sommer al 20:00 omgekap want sy't haarself kapoet ge-jol. Dankie Annelie vir die lekker kos en die res van die gesin vir julle gasvryheid!

Sondag moes ons spesiaal gaan brood koop sodat ons die ganse kan voer (soos vroeer in die week bestel was...). Ons het eers 'n lekker staanplek gesoek vir die voerdery, maar teen die tyd wat ons gaan stilstaan het, het ons al 'n hele gevolg van eende, ganse en seemeue gehad! Die voerdery was toe groot opwinding want al die voels het letterlik baklei vir elke stukkie brood!



Later moes ek die sak met die brood optel want die eende het hulleself begin help terwyl ons nie gekyk het nie - so 'n stille aanval van agter af geloods!

Op pad terug hotel toe moes ons eers weer stop sodat die kinders met hulle stokke in die water kon speel. Hulle "vang vis" - gooi paar kleineres in en "vang" dit dan met die langes - as jy hom tot op die kant kan getrek kry, het jy 'n vis gevang!


More het ek 'n dag verlof want ons moet gaan mediese ondersoeke doen vir die volgende visa waarvoor ek aansoek doen sodat ek langer in Oz kan bly. Die kinders dink natuurlik dis krismis, seker ook net tot die dokter sy werk moet begin doen...

Naweek 10

Hierdie is die eerste vol-naweek as familie saam in 'n lang tyd. Ons het probeer om die meeste daarvan te maak.

Saterdag se weer het egter veel te wense oorgelaat - dit was koud, nat en winderig. Maar die kinders het in die week die "Big Wheel" raakgesien en dit was nommer 1 op hulle lysie van goed om die naweek te doen. So ons het die "Big Wheel" gaan ry...



Ons het natgereen op die Big Wheel (die wind het die reen tot binne-in die karretjies gewaai) maar teen die tyd wat ons klaar was, was die reenbui verby. Toe is dit vreeslik koud.

Die "Big Wheel" se naam is "Giant Sky Wheel" en hulle adverteer hulleself as die "largest travelling ferris wheel in the southern hemisphere". Hy's vol liggies ook, en in die aand is dit nogal indrukwekkend.

Langs die "Big Wheel" is daar ook 'n carousel, en natuurlik moes dit ook eers gery word. Die vriendelike tannie wat die carousel beman het aangebied om 'n familie-foto van ons te neem want sy't gesien Marlize kan nie genoeg fotos van die kinders op die carousel neem nie...


Daarna het ons gaan rondloop in Fitzroy Gardens want daar is die Model Tudor Village, en die kinders het gaan kyk of die dwergies uit hulle huisies wou kom...


Hulle wou nie. Hannes se hy kon hulle binne-in hulle huisies sien. Ek se toe maar vir hom ek dink net kinders kan die dwergies sien want ek kan hulle nie sien nie. Toe Elmarie dit hoor moes sy eers vir Mamma vertel "net kinders kan die dwergies sien!".

In Fitzroy Gardens het ons ook op 'n draak se kop gestaan en van sy rug af gegly...



Sondag se weer was baie beter - steeds bewolk maar niks wind of reen nie. Ons moes gou eers winkel toe in die oggend want ons brood en ons melk was op. Ons het in Acland straat afgestap waar al die koek winkels is, toe is die kinders altwee skielik baie honger. Ons eet toe maar vroeg middagete by McDonalds.

Ons moes ook eers weer terug loop in Acland straat in sodat Marlize hierdie haarsalon met die "kuns" op sy dak kon afneem:


Die figure ("mense") is net so groot soos volwassenes. Twee se hare word gedoen (man met die groen oorjas en vrou met wit oorjas).

Die middag het ons Adventure Playground in St Kilda gaan verken. Die kinders het amper twee ure lank gespeel in, om en op alles. Daar's natuurlik heeltemal te veel fotos so dit was moeilik om iets te kies... So hier's net 'n paar:






Ons het ook hierdie naweek vir die eerste keer self wasgoed gewas (terwyl ek alleen hier was het ek van die droogskoonmakers se dienste gebruik gemaak om die wasgoed skoon en gestryk te kry). Hier is nie 'n droograk in die kamer nie so enige klere wat nie droog getuimeldroog kan word nie moet maar rondle tot dit droog is... dis 'n deurmekaarspul.

Vanaand het hulle altwee sommer vroeg omgekap vir die eerste keer vandat hulle in Australie gekom het. Dit was 'n lekker en besige naweek.