Naweek 34

Hierdie naweek het ek persente gesoek - vir die kinders en vir Marlize.

Die kinders het bestellings in by hulle Ouma Ria vir goed wat hulle nie in Suid Afrika opgespoor kry nie. Dis beskikbaar by 'n on-line speelgoed winkel maar ek kon ook nog nie 'n winkel hier rond kry wat dit verkoop nie so die soektog duur voort... sal dalk maar on-line moet koop as ek nie volgende naweek regkom nie.

Vir Marlize was dit darem makliker (eerste keer wat ek dit kan se!). Sy't ook 'n spesifieke bestelling in maar ek het 'n ander verrassing vir haar - toe ek betaal het die tannie wat langs my gestaan het gese "ooohh, someone's going to be popular!" so ek hoop sy sal daarvan hou.

Saterdag het ek weer bietjie golf gespeel - dit word nou so laat donker, ek het eers omtrent 18:30 afgeslaan en na 9 rustige gaatjies was dit nog helder daglig. Vanaand 20:15 het ek nog gesien hoe skyn die son op die gebou langsaan. Dis lekker dat die dag so lank is, maar ek is nie gewoond daaraan dat die nag so kort is nie!

Nog net 19 slapies voor ek Suid Afrika toe vlieg.

Naweek 33

He-he, ek het gister aand so lekker voor die TV geplak ek het skoon vergeet om die blog te kryf!

Daar's nie eintlik veel om te se nie - die weer was uiters onaangenaam, dit was die naweek weer winter (15 en 16 grade op Saterdag en Sondag) met woeste winde, reen en hael. Geen wonder ek het so lekker TV gekyk nie!

Ek het darem Saterdag uit die huis gekom om my kar te gaan haal wat ek gekoop het - jip, die eerste groot aankoop in Oz is nou gedoen. 'n Splinternuwe Toyota Corolla - die goedkoopste model wat te koop is hier, maar darem 'n 1.8L (hier verkoop hulle net 1.8L Corollas, as jy iets kleiner soek, koop 'n Yaris, as jy iets sterker soek, koop 'n Camray!). Later kan ons iets anders bykoop as ons die maandelikse begroting mooi onder die knie het en sien daar is geld vir daai nuwe Prado VX of Kluger Grande of iets... ;-)

As gevolg van die wonderlike weer wat ons gehad het kon ek nie eers die kar iewers parkeer om 'n mooi foto te neem vir die blog nie, en volgende naweek se weer vooruitsigte lyk nie veel beter nie, maar gelukkig weet julle almal hoe lyk die nuwe Corolla en as julle nog nie 'n silwer een gesien het nie moet julle maar bietjie die verbeelding inspan!

Ek het ook weer begin blyplek soek, want waar ek nou bly is baie lekker vir my wat alleen hier is - klein en gemeubileerd en direk langs die tremlyn wat by die werk verbyloop - maar dis nie so ideaal vir wanneer die familie hier is nie so nou kyk ek weer na die suburbs waar daar skole is ens. Noudat ek wiele het kan ek die paar naweke wat oor is voor ek weer Suid Afrika toe vlieg hopelik goed benut met die huis soekery.

Die nuwe Bond fliek het die naweek hier begin wys - as jy nie voor die naweek kaartjies gekoop het nie kon jy dit vergeet! Ek was Saterdag by 'n mall net nadat ek die kar gekry het, en die fliek was reeds uitverkoop tot die laaste vertoning van die dag, en die helfte van Sondag se vertonings ook! Sal maar moet wag tot 'n ander naweek om dit te gaan kyk.

Daar is nog 3 naweke oor in my 2008 Oz-jaar - op die 4de naweek (20 Desember) vlieg ek vroeg Saterdag oggend weer Suid Afrika toe. Met die huis soekery en volgende naweek se weer vooruitsigte en die dinge wat nog gereel moet kom vir die skuif hiernatoe mag die blogs dalk bietjie vervelig wees vir so paar weke, maar ek is seker in die nuwe jaar sal ons weer meer opwindende stories he, so die wat net so nou en dan kyk watse interessante fotos ek oplaai moet maar bietjie vasbyt!

Ek kan nie wag om weer in dieselfde tydsone te wees as Marlize en die kinders nie!

Nuus

Ek en Marlize het onlangs besluit om na Australie te verhuis. Dis 'n groot en emosionele besluit maar ons is baie opgewonde oor die nuwe hoofstuk in ons lewe.

As alles volgens plan verloop vlieg ons almal eerste naweek in Januarie 2009 saam Oz toe.

Ons verwag om ons meubels middel na einde Januarie in Melbourne te sien.

Naweek 32

Hierdie naweek het ek nie veel gedoen nie. Saterdag het ek weer tyd spandeer by die string van motor handelaars hier in die omgewing op soek na 'n tjorrie. Elke naweek het iemand een of ander sale aan.

Van laat gister middag af het ek nie lekker gevoel nie - bietjie naar en geen eetlus nie, en dit het aangehou vir die grootste deel van vandag ook, tot ek bietjie op die bank gele en slaap het. Toe ek wakker word het ek beter gevoel maar nou nadat ek geeet het is die gevoel weer terug... yuk. Hoop more oggend is ek weer reg!

Naweek 31

Hierdie week Dinsdag was Melbourne Cup Day en die hele week was dit perde voor en perde agter. Lekker as mens hou van wed op die perde.

Dinsdag het ek bietjie gerus en bietjie rondgery. Ek wou strand toe gaan maar die wind het te veel gewaai, so ek was nie lank daar nie. Ek het darem 'n foto gekry van die "beach boxes" - ek dink ek moes bietjie nader aan die water gekom het om teen 'n ander hoek te neem maar dan kry mens nie die hele lot in nie, daar is te veel!


Hierdie naweek was lekker weer. Ek was lekker lank in die botaniese tuin gewees, sommer enige plek bietjie op 'n bankie gaan sit en luister vir die voels en net bietjie ontspan.

Op die punt van die tuin, eintlik net buitekant die grense van die tuin - in King's Domain, aan die stad se kant, is daar 'n "music bowl" met die groot geboue van die stad in die agtergrond. Dit is die Sidney Myer Music Bowl en is in 1959 geopen. Daar is 'n gedeelte stoele, en die res is gras teen 'n bult op - dit kan nogal lekker wees as die weer goed is!



Tussen die music bowl en die stad is daar 'n monument vir Queen Victoria - sy's gebore in 1819, getround in 1840 en het regeer van 1837 tot 1901 (sy's dood in 1901).


Hierdie is die queen se uitsig oor die stad:


Vandag was 'n lekker warm sonskyn dag. Ek was te warm aangetrek en het toe bietjie gaan afkoel in die Chill On ice bar.


Vir $30 kan jy vir 30 minute ingaan en dit sluit die warm klere en 1 cocktail in. Die drankie kom in 'n glas wat van ys gemaak is. Ek het die cocktail menu gelees en besluit om te vra vir 'n "frozen idot" - dis jegermeister en red bull.

Die plek is nie baie groot nie - dis amper of hulle jou in 'n groot freezer toemaak.


En jy kan sit ook - op 'n ys-stoeltjie (daar is darem 'n diervel oor sodat jou broek nie nat word nie), en jou ys-glasie op die ys-tafeltjie neersit.


Dis seker duidelik uit die fotos dat ek alleen in die vrieskas was.

Party mense gaan seker bietjie gril as ek dit se, maar as mens uit die lekker warm hittige straat uit in die vrieskas inloop, begin jou neus dadelik waterig raak, en voor jy kan keer vries daai waterige snot in jou neus. Dis die weirdste gevoel! En met daai dik handskoene aan kan jy maar vergeet om jou neus te probeer afvee sonder om dit uit te trek, en dan vries jou vingers want dis -10 (minus 10) grade celcius daar binne! Jy moet net keer dat jou neus nie te veel loop nie anders lyk jy sommer vinnig soos Jim Carey in Dumb & Dumber waar hulle op die scooter ry en vries...

Voor my 30 minute op was het ek heeltemal te koud gekry - my ore wou afval en my tong wou nie meer saamwerk nie - een van die ouens wat daar werk kom elke nou en dan in en gesels bietjie maar elke keer as hy uitgaan ontdooi sy tong, maar nie myne nie! Toe ek sukkel om te praat het ek besluit dis genoeg - 22 minute.

Toe ek daar uitloop in die warm straat in was dit nogal lekker om te voel hoe ontdooi my gesig velle so stadig - toe's dit gladnie meer so warm nie!

Naweek 30

Hierdie naweek is daar so min om te skryf...

Meeste van die naweek het ek bietjie herstel van die vorige twee weke se daaglikse laat werk. Net rustig tuis voor die televisie, met die Volvo Masters golf en die krieket toets tussen Australie en Indie om my vasgenael te hou.

Ek het ook vir die eerste keer by 'n golfbaan uitgekom om self bietjie te speel. Dis die eerste keer vir my in Oz, maar ook die eerste keer in ongeveer 'n jaar, so ek het 'n 9-gaatjie publieke baan gekies sodat ek net eers kan sien of ek nog die fairways en die greens kan vind. Ek dink dit het baie goed gegaan, net 1 fairway gemis en 5 uit 9 greens in regulasie. Selfs met die setwerk het dit uitstekend gegaan!

Ek het ook bietjie begin rondkyk vir 'n kar - tot nou toe het ek nog nie een nodig gehad nie (hoe cool is dit!), maar om een te huur elke naweek is bietjie van 'n pyn, en as ek elke naweek vir Saterdag en Sondag huur kon ek net sowel 'n kar paaiement betaal het. Ek het ook alreeds so te se al die toeriste aantreklikhede in Melbourne besoek wat mens met publieke transport kan bereik. Met die projek wat nog tot middel volgende jaar aanhou begin ek myself al oortuig dat dit cool sal wees om 'n kar te he, al is dit net sodat ek bietjie meer mobiel is op die naweke. Dit sal beslis makliker wees om meer golf te gaan speel! Die "great ocean road" en 12 Apostels wag ook nog vir my...

Dinsdag kom een van die min vakansiedae wat Ozzies het, en dit nogal vir 'n perde-resies! Dit is Melbourne Cup Day - dit is die eerste Dinsdag van November elke jaar. Groot stories hier. Al wat 'n besigheid is sal ook Dinsdag toe wees. Ek gee nie om vir die perde nie maar 'n dag af gaan lekker wees!